19 tylli ki kari wa synraan ya u CM ka Madhya Pradesh da sih ki hadien wa thap phniang ki ha kawi ka Petrol Pump heiwa da chem wa i Diesel toh iwa da khlehlang wa ka um.
U CM toh uwa dang mut wow lai cha ka MP Rise 2025 Conclave wa pynman ha Ratlam ynne ka sngi.
Kini ki kari dapoi ki ha kani ka Petrol Pump ynnin i miet kam wow pynkhreh yei lai luti u CM wei hadien wa thap Diesel ya kini ki 19 tylli ki kari Innova kiwa wan na Indore, da sih ki hadien wa lai du kattu katni por donhi wei da hap ngiat biang ki cha kani ka thaw thap phniang.
Hadien wa sai yei Diesel napoh ki kari da chem wa da khlehlang wa ka um, kamtæ da lai wow khang ya kani ka Petrol Pump ka Bharat Petroleum wa em ha Dosigaon.
Da wan wow takit yeini da u heh ka chnat Food and Supply wei da sai leh ya ka Diesel Tank kini ki kari heiwa na ka 20 litre i Diesel wa thap, da em hadooh 10 litre ka um wei ini da chem ha waroh kini ki kari.
Da chem leh wa da em kawi ka Truck kawa thap phniang na kani ka jooh ka Petrol Pump leh wa da sih ko.
Discussion about this post