Sih u sarok Raliang-Sahsniang heipor wa dang pynchna: JNC

Ka seiñ Jaiñtia National Council (JNC) Western Zone ynne ka sngi da hiar ko cha ka chnong Sahsniang hei yahkhmat u Hamehi Bamon kam u President hadien wa da ood da naam ki paidbah kani ka thaaiñ wa kreh khalær wei chna tangdep ya u sarok wa da chna hapoh ka PMGSY Scheme uwa nadooh Raliang chadooh Sahsniang uwa jrong 21 Km.

Ka seiñ da chem ko wa em i bynta ha Sahsniang wa da sih sakhiat wym em miat i kreh ya uni u sarok heiwa da sdang u wow khloh wot hapyrdi i kreh dang lai i chakhmat.

Ka seiñ da ong ko leh wa ha ka 17 tarik u bnai May yong uni u snem wa uni u jooh u sarok da pynkreh ya oo nadooh Raliang hadooh ka chnong Laskeiñ wa jrong kamwa 2 Km wei ha itai i por leh ka seiñ da chem ko wa kreh khalær wei da kreh tangdep donhi, heiwa da kyntu ya u Contractor wow kreh hok neibhah kani toh ka poisa paidbah wei wow chna leh katkam ka juk wa katni.

Tangwa ka seiñ da sñiawsih ko wow tip biang na ki paidbah kani ka thaiñ wa heini i kreh wa kattæ leh toh iwa leh tangdep.

Related posts

Yap 42 ngut ki nong India wa lai Pilgrim cha Mecca nei iñ ka Bus

November 17, 2025

Yoh myntoi ki 31 ngut ki khynnah ka Jaiñtia Hills nei pooid wa mynkna ya kiwa jæd ktien wei kaad poh ktien

November 16, 2025

Kamtæ da lai yachem wa u Executive Engineer ka PWD (R), Shangpung Division deiwa e dei thoh wow ujor pyrchah ya u Contractor wa chna ya uni u sarok heiwa neiliang uni u sahep sorkar da kular u wow chimkhia wei wym pdiang leh lada kreh ya uni u sarok kamni neini chakhmat.

Neiliang ka seiñ da maham ko wa lada kamni ka rukom kreh daw khang syndon ko neibhah ym myntoi wow yoh Scheme chna sarok lada kamni.