Sih wei sahkut ka kor wa tih ya ki 41 ngut kiwa sahkut hapoh ka Silkyara Tunnel

I tih yow sai ya ki 41 ngut kiwa da sahkut hapoh ka Silkyara Tunnel da hap wow pynsangeh biang hadien wa ka kor Auger leh ym ye ko wow leh yei kaam deiwa sih wei sahkut neidaw wa joor boon ki moo wa oor chapoh kani ka Tunnel wei da kheiñ wa ki Blade kani ka kor.

Kini ki 41 ngut kattu da sah ki hapoh kani ka Tunnel la 14 sngi wei kattæ da pyrkhat wow tih noh da ki bru ya i bynta wa 10-12 Meter iwa dang sah yow poi cha kini kiwa sahkut næ deiwa tih na jrong kani ka Tunnel yow poi bait cha kini ki bru.

Neiliang ki heh ka National Disaster Management Authority (NDMA) da ong ki wa ini ye i wow chimpor heiwa u Arnold Dix uwa da wan na baar ri uwa chemphang ha kini ki kaam tih Tunnel da ong u wa daw ye u sai ki chwa u poi ka Christmas.

Lada tih na iwa ieh ka kor Auger, daw hap ki bru u psiah chapoh i thlu wa da dep tih kamwa 47 Meter deiwa chniam uwi donhi u bru wei ini leh toh iwa daw chimphor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da dep leh wow wanrah ya ki kor ki wow tih najrong wei ini leh toh iwa daw chimpor da ki tayaaw wei iwa maa.

I tih da hap wow sangeh waroh chi sngi ynnin hadien wa ha ka sngi Thohdieñ da chem wa ka kor Auger ym ye de ko wow tih neidaw wa sih ko katkam wa pyntip u Dix.

“Uni u loom da leh pyrchah u ya ka Auger wei da pyrkhat kattu kammon won u leh yow sai ya kini ki 41 ngut wei kular O wa daw ye u sai ki chwa ka Christmas,” da ong u Dix.

Da pyntip u leh wa kani ka kor wa khia 25 Ton da sih ko hadien wa tih ko 46.8 Meter naka 60 Meter deiwa siam thlu tangwa da mih sa iwi i eh toh yow sai ya kani ka kor kawa da sih.

Yow leh yeini daw hap wow wanrah yaka kor Plasma Cutter na Hyderabad yow sai ya kani ka kor Auger wei hadien ini daw pyrchang u phah da ki bru yow tih ki yeiwa dang sah yow poi cha kiwa sahkut iwa man sa kamwa 10-12 Meter.

Ka luti wow poi cha kani ka thaw man ko leh kawa khian iwa da man iwa eh wow wanrah ya ki kor wa rap heh heiwa ka Border Roads Organisation da kreh ko kattæ yow pynheh ya u sarok.

I tih najrong kani ka thaw leh man ko iwa maa neibhah ini ye i wow wanrah yei oor chooh ki moo wei khyndaw chapoh kani ka Tunnel.

Kam wow pynkynmoo wa kani ka Tunnel da oor ko haka 12 tarik ha i bynta wa jngai kamwa 200 Meter nei thaw wa sdang kani ka Tunnel kawa da booh u jrong 4.5 Km wei kini kiwa kreh toh da em ki kamwa 2,800 Meter chapoh. Ya kini da phah um, phah baam lyngba u Pipe yow im ki.