Skem mynsien ka Congress wow jop ha Ranikor

Shillong: Ha kini ki khajiak sngi kiwi ki seiñ saiñ pyrthai da chim ki wa u kyrtong ka Congress u Jacque A Sangma daw ye u wow wan cha wa khaddooh ka Election chiteiñ samoi ha Ranikor Constituency tangwa ka saiñ pyrthai ye ko wow man mar cha wa yoo ha katai ka Constituency neibhah wa u Dr. Mukul Sangma, deilang wa ki 19 ngut ki MLA Congress kamwa 4 hadooh 5 sngi da em ki ha Ranikor wow paan kyrchaan na ki paidbah ka tai ka Constituency.

Ini i hiar ki MLA Congress hapoh i yahkhmat u Dr. Mukul ha kini ki sngi du hadien wa dep wow thap pyrtuid da pynman ko ya kiwa yahkhmat ka Congress wow kam wa u kyrtong ka Congress katni em u ka laad wow jop neibhah boon kiwa kyrchaan ya ka NPP da uiñ biang ki cha ka Congress.

Hawa yaklam wa u HM Shangpliang, MLA ka Mawsynram Constituency uwa man leh kam uwa e ktien ya ka Party, da kam u wa u kyrtong wa ka Congress pynyieñ ko em u ka thong wow jop neibhah katni u yakhun u wa u Pius Marwein u kyrtong ka UDP.

“Hei nyngkong da dooh mynsien i wa mih noh u MM Danggo na ka Congress tangwa manda hiar u Dr. Mukul Sangma wa ki MLA cha ki chnong ha Ranikor Constituency ka saiñ pyrthai da kylla ko ha kiwa boon heiwa da boon kiwa da uiñ biang kiwa kyrchaan ka NPP cha ka Congress,” da ong u Shangpliang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pyntip u leh wa u Dr. Mukul nadooh ka 10 tarik hadooh ka 13 tarik uni u bnai da lai yachem u ya ki paidbah ha ki chnong khappood kiwa khleh ya ki jaitbru Garo, Hajong, Myndai, Khasi wa kiwi de ki jaitbru. Da ong u wa ha ini i lai yachem da pynkhyrngiat ko ya u Dr. Mukul wa u Danggo da lehbeiñ u ya ki paidbah neibhah ym jooh wanrah u ya ki kaam pynroi ha ki chnong ki thaw kamjooh ha ki manyung mansem hadooh wa na ka MLA Scheme leh ym jooh em yoh ki.

U Shangpliang da ong u wa, “Ha ka 13 tarik uni u bnai da booh ha i por 7:00 waje i miet ka yalang ha Tlongpleng Lynti Balat wow wan u Dr. Mukul tangwa neidaw wa boonkaam u da poi u 10:30 i miet tangwa ki paidbah dang yang bait ki wa pynyoo wa maya sakhiat ki paidbah ya ka Congress.”

U HM Shangpliang da kyntait u wow klam iyi iyi leh heiyatoh wa u PN Syiem u kyrtong ka PDF tangwa kiwa kyrchaan ka UDP waka Congress da pyntikna wa daw yaknieh u ya ka naam wa khaddooh napyrdi ki soo kyrtong.