Kawa yahkhmat ka Congress Legislature Party (CLP), ka Dr. M. Ampareen Lyngdoh da ong ko wa i kwah wow klam yasuk wa ka HNLC da sahteiñ i da boon snem, wei da pynsñiaw ko yei yaroh ya i chimkhia u Montri Rangbah, u Conrad K Sangma hajrong i thrang ka Hynniewtrep National Liberation Council (HNLC) wow wan yaklam yasuk noh.
Da ong ko wa ki MLA ka Congress da e lut ki yei kyrchaan hajrong ini i thmu wei lada u Montri Rangbah kwah u yei yarap næ i e yumut lang, smat ki wow leh yow pynman kaam noh ya ini i thmu wa da sahteiñ.
Chooh chooh da ong ko wa kam kiwa chong chnong kwah ki wow yoh noh yei chongsuk, wei ki khynroo leh u yoo ki yei kyrmen wa i che noh.
Ka Ampareen da ong ko wa ki paidbah da thrang wei yooluti ki wa i suk u wan biang i hadien wa em ki seiñ kieñ suloi hapoh ka jylla, wei da pynsñiaw ko wa i klam yasuk u man i iwa jop wei kiwa chah yah bakla leh u im noh ki hei rukom im wa thymme hapoh i suk i saaiñ.
