December 22, 2022
Hadien wa sdang u joor biang kiwa yoh wa kiwa chah ktah ha u khñiang khlam COVID-19 ha kiwi ki ri yong ka pyrthai, neiliang ka sorkar India da sdang ko wow chong wei wow pait bniah biang yei long i man wa ki laad yada. Kamjooh ha ka jylla Meghalaya, u Montri Rangbah, u Conrad Kongal Sangma da lum u ya ka yalang yow bichaar bniah namo ka Review Meeting hajrong i long i man wa ki laad wow yada.
Hawa klam cha ki laad pathai khubor, da ong u wa ka sorkar da lum ko ya ka yalang yow man kiwa husiar khamtam ha ini por wa lai ka lehkmen Christmas.
Da khana u wa kamwa man katni kiwa chah ktah ha u khñiang khlam toh kiwa duna bha wei ym em iwon iwon i maa, tangwa ka sorkar ym em lehstiñ ko wei da paitbniah ko yei long i man.
U Conrad da ong u wa ha kani ka aiom lehkmen, ka sorkar da e yumut ko wa lada ye wow deiñ ya ki laad yada yei khmut, i ktien deiwa sap ya ki Mask.
