U Chief Secretary ka jylla u M.S. Rao ha ka hukum wa da pynmih ynne ka sngi da ong wa kam chibynta i pynbna ka chnat Health & Family Welfare Department heiyatoh wa ki kyndon SOP wow yada nei poor ka khlam COVID-19 ha ki yung krehkaam wa kiwi de ki thaw yow yada ya waroh ki wakreh ha ka Meghalaya Civil Secretariat wa kiwi de ki yung krehkaam kam ki Directorate, ki yung krehkaam ki Chief Engineer, ki Corporation ka sorkar, ki Society ka sorkar, waroh ki wakreh da sneiñ ya ki wow chim smat yei tika.
Ki khlieh ki chnat sorkar lane ki bor wa pynlai toh u pait ki ya kiwon ki wakreh sorkar ha ki jar jair ki chnat wa ki yung krehkaam yow tip kiwon kiwa da dep yoh tika.
Kitu won ki wym chim tika hap ki wow phah Test man ka 10 sngi kam ka laad yada wei wow pynyoo leh ya ka Report cha ki khlieh ki Department lane kiwa pait ya ini i kaam.
