Sñiaw donhi wa em wa ong “Ai kham eh” hawa phone uwa wiar cha ka kurim | Paan yarap ka yung ka sem

Uwi u khynroo uwa tip kam u Ebenezer Laloo (25 snem) da wiar u nadooh i miet ka 30-05-26 hadien wa yoh Phone u ha ki bru kiwa da khut wow yachem wa oo heiwa da mih u na thaw sah u iwa em ha Pdeiñshnong Block D, Madanrting, Shillong.

Katkam wa pyntip kiwa ha-yung ha-sem, u Ebenezer heipor kamwa 7:00 waje i miet da yoh phone u lyngba ka phone number u tre ka thaw kreh u wa em ha Madanrting hi tangwa kiwa klam won toh da kiwi won ki bru.

Hadien ini won heipor kamwa 7:41 i miet da yoh phone ka kurim u Ebenezer na i number u Ebenezer hi heiwa da sñiaw donhi ko yeiwa em wa klam “Ai kham eh, ai kham eh…” wei hadien ini kani ka phone da man ko kawa da tympleh.

Hawa lai kylli na u tre i thaw kreh u Ebenezer, da khana u wa da em 3 ngut ki chynrang wa 3 ngut ki kynthai kiwa da wan yow paan ka phone u yow phone cha u Ebenezer wei ym tipmit u ya kini ki bru. Da khana u leh wa manda wan u Ebenezer da lai ki da ka Scooty.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Ynnin ka sngi won ki pulit da yoh ki wow kem ya kini ki bru na Mawblei tangwa ya u Ebenezer won ym pu em chem.

Kamtæ neiliang ka yung ka sem da kyntu ko ya kiwa yoo wa chem ya u Ebenezer wow sñiawbha ki wow phone ha ini i Number-8731017228.