15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Sniaw phylla ki ar seiñ wa ym em wa sonteri ya ka KNGC

0 Comments
Advertisement ad1

Jowai: Ki ar seiñ ka AJSU waka JNC-WJZ hadien wa yachem ki ya u Principal ka KNGC Jowai, wa kwah ki wow booh ya ka kor ATM hapoh kani ka thaw puræ yow pynbiang yeiwa emkaam kiwa puræ khamtam heipor Exam, neiliang u Principal da ong u wa ka yung krehkaam yong ka College da dep thoh ko cha ka sorkar wow pynbiang ya kiwa sontrei namo ki Security Guard wow pait yei lai i wan ym du chapoh kani ka thaw puræ hadooh ki thaw sah ki kynthai namo ka Girls’ Hostel kamjooh ka Boys’ Hostel wa em hapoh kani ka thaw puræ.

Tangwa hadooh katni ka sorkar ym em e ko ya ka rai wow leh ya ini wei katni da e ar ngut ki chowkidar kiwa ym em wa rah tang u lathi leh wow yada lada jia iwon iwon khamtam heipor miet.

Kamtæ neiliang ki ar seiñ da dawa ki na ka sorkar wow booh ya ki Security Guard wa toh u em le ngut ki chynrang wa le ngut ki ki kynthai hapoh kani ka thaw puræ.

Wei da yooluti ki wa i kitkhia u Principal wa ki Bank daw wan booh ki ya ki ATM hapoh kani ka thaw puræ neibhah ka College da e thaw chwa ko.

Kani toh ka khubor na u Lucky Phawa General Secretary, AJSU wa na u President ka JNC WJZ u Andy R Dhar.

Advertisement ad1

0 Comments

Leave a Reply