Ka East Jaiñtia District Cricket Association (EJDCA) lyngba ka kyrwoh wa phah da u Rajiv Bareh uwa man kam u President ka Association da pynsñiaw u yei sñiaw sarong wa khroo bha ya u Kishan Lyngdoh uwa man leh uwa yaleh wa mih napoh ka EJDCA uwa da mihkhmat ya ka Meghalaya Cricket Association ha ka Sayed Mushtaq Ali Trophy kawa da pynman ha jylla Andra Pradesh da ka BCCI.
U Kishan Lyngdoh ha ka yalehke ynne ka sngi da lehbha u deiwa kamai 85 Run na ki 62 bol khlem haap ka Wicket u ha ka yalehke pyrchah ya Tripura wei da man u leh uwa wai ya ka kamai Run ka Meghalaya.
Ki 85 Run u Kishan da yarap ko ya ka Meghalaya wow jop ya ka Tripura da 10 Wicket.
Kamtæ neiliang u President ka Association da kyntu chooh chooh ko ya u Kishan Lyngdoh wow kreh chitom deiwa kitbok kitrwiang ya oo wow leh bha chooh chooh u neini chakhmat wei heijooh i por da kyntu ya ki khon khynroo ka jylla wow bood ya ka nongmuna kawa da pynyoo da u Kishan Lyngdoh.
