Sñiaw yahaap u Pynshngain N Syiem ya u Dr. Mukul hei yatoh wa u Aadhaar

Shillong: U Chief Executive Member (CEM) ka Khasi Hills Autonomous District Council (KHADC) u Pynshngain N Syiem da pynsñiaw u ya ka i jooh i sñiaw kamwa pynsñiaw u Montri Rangbah u Dr. Mukul Sangma pyrchah ya u Aadhaar wa ya ka Goods and Services Tax (GST).

Hawa yaklam wa kiwa pathai khubor u Pynshngain da ong u wa ka sorkar India toh u bood ko ya ki kyndon ka UNO katkam ka yurim wow e laitlooid ya ki bru kiwa khian paid na i chon ya u Aadhaar.

Da ong u chwa wow pynkrehkaam ya kawon kawon ka policy toh u pyntip cha ki paidbah wow yoh yei mynjur ki, heiwa heini ha jylla Meghalaya em ki jaitbru kiwa yada da ka sixth scheduled ka riti synchaar ka ri wei ka sorkar ymtoh u leh jhan ko wow pynkrehkaam ya u Aadhaar.

Hei yatoh won wa ka GST u Pynshngain da ong u wa man ko kawa miat wow wanrah kawi don ka rukom kheiñ dan tangwa kyllaiñ ko khamtam ya i dor neibhah wa ban ko ya kiwa khayi khian.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Da ong u wa ka dor ka GST toh u man ko kawa khian, ka rukom krehkaam kawa suk neibhah man i iwa eh ya kiwa khayi u e yukheiñ man la u bnai.

Da dawa u leh wa ka sorkar toh u bhah ko ya ka district ha ka GST deiwa ong leh wa ka State Finance Commission toh u kynthup leh ya kiwa na ka District Council.

U Pynshngain da maham u leh ya i soi soskular ka sorkar jylla wa ki 7 tylli ki Company bordiñ ha ka jylla khlem yoh i mynjur na ki paidbah wa ka NOC na ki District Council, neibhah wa lada yasoi khlem kini daw wanrah ko yei eh i khoo ya kini ki Company hadien.