Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-ynñiaw ynnin ka sngi deiwa pynman le tylli ki yalehke.
Ha ka yalehke wa nyngkong, ka Namdong-A da jop ko yaka Mookhnang da 1-0 da ka kool wa thap u Phien Dhar haka minit wa 51.
Ka yalehke wa ar da kut ko da 1-1 hapyrdi ka Lumrot waka Madanrtiang.
Ya ka Lumrot da thap kool da u Pyndap Dkhar haka minit wa 45 katwa yaka Madanrtiang da thap da u Eswel Rymbai haka minit wa 26.
Ya ka yalehke wa le da jop da ka kdiap yaka Mookjat da 1-0 lyngba ka kool wa thap u Riskial Dkhar haka minit wa 70.
Ki yalehke wa bood u pynman mynstep soo tylli kiwa daw sdang nadooh 8:30 i step hapyrdi ka Nonglatem waka Mooker, heipor 10:30 won ka Nongkharai u yachem ko waka Iongshiwiat, neitæ heipor 12:30 i sngi, ka Larnai u yachem ko waka Thadmusem wei daw pynkut da ka Tyrshang waka Moodop heipor 2:30 i sngi.
Discussion about this post