Sniawbhalang Football Tournament: Jop ka Nongmulieh Sehlama waka Mookbu

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-soo ynne deiwa pynman biang soo tylli ki yalehke.

Ka yalehke wa nyngkong da kut ko da 1-1 hapyrdi ka Mynsgat waka Thadmusem. Yaka Thadmusem da thap kool da u Heisuk Shadap haka minit wa 20 katwa yaka Mynsgat da thap da u Carlus Hadia haka minit wa 40.

Ka yalehke wa ar leh da kut ko da 1-1 hapyrdi ka Khonsaro waka Umplu Umshangiar. Yaka Khonsaro da thap da u Kamjuhhi Ksoo haka minit wa 21 katwa yaka Umplu Umshangiar da thap da u Eladmi Sungoh haka minit wa 44.

Haka yalehke wa le, ka Nongmulieh Sehlama da jop ko yaka Mookhnang da 1-0 lyngba ka kool wa thap u Dacha Rymbai haka minit wa 73.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Haka yalehke wa soo, ka Mookbu da jop ko yaka Madanrtiang da 2-0 da ki kool wa thap u Shem War haka minit wa 46 wa u Yobiang Biam haka minit wa 55.

Ki yalehke mynstep u sdang heipor 8:30 i step hapyrdi ka Myngkrem waka Mooker, heipor 10:30 ka Pdeiniadaw u yachem ko waka Mookjat, neitæ heipor 12:30 pyrdi sngi, ka Nongkhroh u yachem ko waka Maskut wei daw pynkut da ka Myngor waka Moobakhon heipor 2:30 i sngi.