Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-soo ynne deiwa pynman biang soo tylli ki yalehke.
Ka yalehke wa nyngkong da kut ko da 1-1 hapyrdi ka Mynsgat waka Thadmusem. Yaka Thadmusem da thap kool da u Heisuk Shadap haka minit wa 20 katwa yaka Mynsgat da thap da u Carlus Hadia haka minit wa 40.
Ka yalehke wa ar leh da kut ko da 1-1 hapyrdi ka Khonsaro waka Umplu Umshangiar. Yaka Khonsaro da thap da u Kamjuhhi Ksoo haka minit wa 21 katwa yaka Umplu Umshangiar da thap da u Eladmi Sungoh haka minit wa 44.
Haka yalehke wa le, ka Nongmulieh Sehlama da jop ko yaka Mookhnang da 1-0 lyngba ka kool wa thap u Dacha Rymbai haka minit wa 73.
Haka yalehke wa soo, ka Mookbu da jop ko yaka Madanrtiang da 2-0 da ki kool wa thap u Shem War haka minit wa 46 wa u Yobiang Biam haka minit wa 55.
Ki yalehke mynstep u sdang heipor 8:30 i step hapyrdi ka Myngkrem waka Mooker, heipor 10:30 ka Pdeiniadaw u yachem ko waka Mookjat, neitæ heipor 12:30 pyrdi sngi, ka Nongkhroh u yachem ko waka Maskut wei daw pynkut da ka Myngor waka Moobakhon heipor 2:30 i sngi.
Discussion about this post