Sniawbhalang Football Tournament: Jop ka Sonaro waka Umjlasiaw

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa phra ynne deiwa pynman biang soo tylli ki yalehke.

Ka yalehke wa nyngkong da kut ko da 0-0 hapyrdi ka Nongsutnga waka Takhniang.

ADVERTISEMENT

Ka yalehke wa ar leh da kut khlem em wa jop da 1-1 hapyrdi ka Kdohkule waka Pdieniawmusiang.

Ya ka Pdieniawmusiang da thap kool da u Da-O-Biang Dkhar haka minit wa 2 katwa yaka Kdohkule da thap da u Phrangki Kharshohnoh haka minit wa 11.

Ha ka yalehke wa le, ka Sonaro da jop ko yaka Myngor da 5-1.

Ya ka Sanaro da yoh Hat-Trick u Pynchemi Syntem uwa da thap kool haka minit wa 25, 43 wa 57, u Mihsalan Talang haka minit wa 26 wa u Nidaohi Lyngdoh haka minit wa 35.

Ha ka yalehke wa soo, ka Umjlasiaw da jop ko yaka Namdong-A da 3-1.

Related posts

Jop ka Amlanai wa ka Pdengshakap ha ka 1st Division, ka Amshipai wa ka Sankhat ha ka 2nd Division ka ASSA

October 21, 2026

Jop ka Lakadong Umlatdoh yow yoh laad ka Rymbai Iawpynsing u psiah Quarter ha ka 1st Division ka EJHDFA

October 21, 2026

Ya ka Umjlasiaw da thap kool da u Shaibok Tariang haka minit wa 18 wa 64 wa u Heimon Phawa haka minit wa 39 katwa yaka Namdong-A da thap da u Wanpor Myria haka minit wa 10.

Ki yalehke mynstep u pynman biang soo tylli nadooh 8:30 i step hapyrdi ka Nongkharai waka Mookabeng, heipor 10:30 won u yachem ka Moodymmai waka Maskut, heipor 12:30 chiteiñ sngi daw yachem ka Namdong-B waka Lumrot wei daw pynkut da ka Thadmynri waka Kremmyrsiang heipor 2:30 i sngi.