Sniawbhalang Football Tournament: Jop ka Tryshang, Myrjai waka Tamu

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-ar ynne deiwa pynman soo tylli ki yalehke.

Ka yalehke wa nyngkong da kut ko da 1-1 hapyrdi ka Nartiang waka Mupliang heiwa yaka Mupliang da thap kool da u Raymon Lyngkot haka minit wa 26 katwa yaka Nartiang da thap da u Heini Phalangki haka minit wa 32.

Ha ka yalehke wa ar, ka Tyrshang da jop ko yaka Mookyndur da 1-0 da ka kool wa thap u Pynhun Pyrtuh haka minit wa 56.

Ya ka yalehke wa le da jop da ka Myrjai yaka Lumkya da 4-1.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ya ka Myrjai da thap da u Lamphrang Kyndait uwa da yoh Hat-Trick deiwa thap haka minit wa 2, 24 wa 61 wa u Treilang Kyndait haka minit wa 61 katwa yaka Lumkya da thap da u Kune Phawa (Own Goal) haka minit wa 48.

Ya ka yalehke wa khaddooh da jop da ka Tamu yaka Khliehriat da 6-0 da ki kool wa thap da u Dathiklang Laloo uwa da yoh Hat-Trick deiwa thap haka minit wa 7, 15 wa 35, u Da O Syntem haka minit wa 19 wa 32 wa u Compost Pale (Own Goal) haka minit wa 65.

Ki yalehke mynstep u pynman biang soo tylli kiwa daw sdang heipor 8:30 i step hapyrdi ka Morathud waka Iongshiwiat, heipor 10:30 ka Moodop u yachem ko waka Bamkamar, heipor 12:30 pyrdi sngo won, ka Lapangap u yachem ko waka Lumlakhiat wei daw pynkut heipor 2:30 i sngi hapyrdi ka Saitsama waka Khanduli.