Sniawbhalang Football Tournament: Jop ka Wahiajer, Nongrim Bamthong waka Umladang

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa chiphaw ynne deiwa pynman biang soo tylli ki yalehke.

Ha ka yalehke wa nyngkong, ka Wahiajer da jop ko yaka Larnai da 1-0 da ka kool wa thap u Niki Pakma haka minit wa 45.

Ka yalehke wa ar da kut ko da 1-1 hapyrdi ka Kdohkule waka Nongdhar. Ya ka Nongdhar da thap da u Ashia Shiwat haka minit wa 7 katwa yaka Kdohkule da thap da u Jeras Lyngdoh haka minit wa 9.

Ha ka yalehke wa le, ka Nongrim Bamthong da jop ko yaka Rakabah da 2-0 lyngba ki kool wa thap u Robenson Lawai haka minit wa 2 wa u Niewkor Mukhim haka minit wa 67.

Related posts

Jop ka Ummulong ha ka yalehke wa sdang ka District Cricket League 2026 ka WJHDCA

February 23, 2026

Pdengshakap Football Tournament: Jop ka One Soul Utd Pdengkarong wa ka Rilum Hynniew Trep FC

February 22, 2026

Ha ka yalehke wa soo, ka Umladang da jop ko yaka Moorap da 2-0 kiwa thap da u Pormi Mukhim haka minit wa 13 wa 19.

Mynstep daw pyman le tylli ki yalehke kiwa daw sdang heipor 9:30 i step hapyrdi ka Ummulong waka Sohphoh, neitæ heipor 12:30 i pyrdi sngi daw yachem ka Nonglatem waka Ladmyngor wei daw pynkut da ka Umbluh waka Kdiap heipor 2:30 i sngi.