Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa khynde ynne da ar tylli ki yalehke.
Ha ka yalehke wa nyngkong, ka Sutnga SSCC da jop ko da 5-1 yaka Moolamanoh SC.
Ya ka Sutnga da thap da u Sumarbha Bareh haka minit wa 51, u Ioanis Suchen haka minit wa 53 wa 55, u Onio Sutnga haka minit wa 64 wa u Isneilang Dkhar haka minit wa 70 katwa yaka Moolamanoh da thap da u Michael Siangshai haka minit wa 79.
Ha ka yalehke wa ar, ka Rymbai Skhenshynriah SC da jop ko da 2-0 yaka Thangskai Tiger SC da ki kool wa thap u Hikaidame Bareh haka minit wa 21 wa 45+1.
Ki yalehke wa bood u pynman haka 30 tarik hapyrdi ka Rymbai Iawpynsing SC waka Dhana SC heipor 12:00 waje pyrdi sngi wei daw pynbood da ka Sutnga SSCC waka Thangskai Tiger SC heipor 2:00 waje i sngi.
Discussion about this post