Ka 3rd Sniawbhalang Football Tournament kawa da pynman ha Wahiajer da pteiñ ko ya ki yalehke Pre-Quarter Final ynne kiwa da pynman ar tylli.
Ha ka yalehke wa nyngkong, ka Sohphoh da jop ko yaka Namdong da 5-3 deiwa yachut Tie-Breaker hadien wa kut ka yalehke da 0-0.
Ha ka yalehke wa ar, ka Tamu da jop ko yaka Morathud da 2-1.
Ya ka Tamu da thap kool da u Jubanlak Laloo haka minit wa 3 wa u Dathiklang Laloo haka minit wa 52 katwa yaka Morathud da thap da u Kynsai Bhoi haka minit wa 27.
Ki yalehke mynstep u man ki kiwa khaddooh yong ki Pre-Quarter kiwa daw sdang da ka Ummulong waka Nongkhroh heipor 12:00 waje pyrdi sngi wei daw pynbood da ka Nonglatem waka Umjlasiaw heipor 2:00 waje i sngi.
Discussion about this post