Ha ka dorbar yong ka Dorbar Ki Waheh Kur Ri Jaiñtia kawa da pynman ha ka 21 tarik ha Yungwalieh ka Chilliangraij, Jowai, da pynsñiaw yei sñiawdiaw yei wym tip iyi pynkrehkaam ka Secretary waka EC ka JHADC hadooh ynne ka sngi ya iwa ki Seiñ Kur na Ri Jaiñtia dadep ki u pynpsiah ya ki kur, ki Waheh Kur wa ki kur kamwa da phah da ka Secretary ka JHADC nadooh Naichiphaw 2024 yow yoh noh yei tipmit deiwa chna noh da ka aiñ.
Kamtæ da rai wow kyrpaad biang seisien ya u CEM wa ya ki EM ka JHADC yow khut yalang ya ka Dorbar Ki Waheh Kur Ri Jaiñtia yow chna aiñ noh ya ki kur kamwa dadep pynpsiah da pyntipmit ya ki kur ki jait cha ka JHADC.
Da leh kyntu ya waroh ki waheh kur yow booddien ki na ka Secretary ka JHADC heiyatoh ya iwa dadep pynpsiah kur ki.
Da rai wow kyrpaad leh ya u Montri Rangbah ka jylla, u Conrad K Sangma kamjooh ya ki MLA ka Jaiñtia Hills yow yaklamlang yow pyndooh noh ya ka kyntien ‘Synteng’ wa kiwi tawon ki jaitbru na kiwi ki jylla ki wym toh ki tre ri tre muluk ha kani ka jylla Meghalaya na ka thup ka Schedule Tribe Order 1950.
Ha kani ka dorbar da pynskem leh ya kiwa kitkaam wei da yoh leh yei sneiñ kyntu na u Erwin K Syiem Sutnga, Adviser ka seiñ.
Kiwa kitkaam wa thymme ka Dorbar Ki Waheh Kur Ri Jaiñtia neibynta u snem 2025-2027 man ki kamni:
President – U Khroo L Pariat
Vice President – U Pyrkhat Shylla wa u Jesper Bareh
General Secretary – U G.H. Bareh
Asstt. General Secretary – U Kitlang Lato
Asstt. General Secretary – U Kmenlang Myrchiang
Asst. General Secretary – U Carmel Suchiang
Asstt. General Secretary – U Leningstar Rymbai
Treasurer – U Abut N Muksor
Adviser – U Erwin K Syiem Sutnga wa u Shell Sing Langi
Ki Dkhot Executive Dorbar – 10 ngut wa ki President, General Secretary yong ki Seiñ Kur napoh Ri Jaiñtia.
Discussion about this post