Jowai: Ka Seiñ Hynniewtrep Youth Council (HYC) East Jaiñtia Circle da sñiawkhia ko yei chah pynbaad ko ha ka Dorbar Chnong Ladrymbai “B” Katkam ka khubor wa mih haka 11-10-2017 wa phah da u Jespar Bareh uwa man leh u Secretary ka chnong wei i pynbaad u toh iwa ym em yurim iyi iyi leh wei ymtoh iwa sakhiat.
Hei yong sakhiat ha chwa wow pynman yalang, ka seiñ da dep yachem wei wow paanboor wow pynemkaam ya ka Don Bosco School. Ka seiñ da paan ko hei pyrtuid ka seiñ wei ym em pynmih ko yei pyrtuid Seng Samla Katholik Ladrymbai.
Ka seiñ leh ym em sñiaw yahaap ko yei pynbaad wa ka seiñ pynman yalang ko khlem da pyntip cha ki bor ka chnong wei katkam wa sñiawthooh toh wa hadien wa dep yohbor na kiwa pyllai ya ka skur ym emkaam de u pyntip cha ka chnong wei toh i kaamram kiwa pyllai wow pyntip cha ka chnong lada toh iwa emkaam.
Heijooh i por ka seiñ da ong ko wa lada pynman yalang ha ki thaw ka chnong, ki yung Club yong ka chnong toh hi u paan bor na ka Dorbar Chnong.
Kani toh katkam wa pyntip u President ka Hynniewtrep Youth Council (HYC), East Jaiñtia Circle u Mohan Sana.
Discussion about this post