Sñiawkhia ka Supreme Court wym ye ka NHAI u khoom u kdoh ya ki Dhaba hadooh wa poi chei tyrrah kari

Ka Supreme Court ynne da kylli ko na ka National Highways Authority of India (NHAI) hajrong i wym ye ko u khoom u kdoh ya ki Dhaba wa mih pyrchah aiñ harood kamjooh i kyntoor pood ya ki sarokbah.

Ka miej bichaar u Justice JK Maheshwari wa u Vijay Bishnoi da ong ko wa ka NHAI ymye ko wow pynbaad bait ya ki bor District wa ki pulit wei da paan pynche ko ya ki bor wa ki kaam wa da leh ko heiyatoh wa ini. 

Ka Supreme Court da bichaar ko ya ka mukotdum Suo Motu hadien tyrrah kari ha Rajasthan wa Telangana heiwa da yap 34 ngut ha u November uni u snem.

Kam wow kdaw hieni, ha ka 2 tarik u November ka Bus wa kit ya kiwa lai mane Blai da tyrrah ko ya kawi ka Truck wa yieñ ha Matoda, Phalodi ka jylla Rajsthan heiwa da yap 15 ngut. Ha ka sngi wa bood won kawi ka Truck wa kit mooria da tyrrah ko ya ka Bus ka State Transport ha Rangareddy District, Telangana heiwa da yap 19 ngut.

Related posts

Lada ym pyndam ka seiñ ki karkhana Cement yei pynche heiyatoh wa i pynemkaam Bulker Truck daw yaleh ka AMTT da ka PIL

April 17, 2026

Daw pynkynmoo biang ka HSPDP ya u CM wow sdang biang i klam pynbait pood wa ka Assam

April 17, 2026

Ha ini i jia ha waroh ar thaw toh neidaw wa sih u sarok, wei i em ki Dhaba iwa wanrah yei sangeh kari iwa da booh hei maa ya kiwa lai wa wan ha u sarokbah.

Chwa ini ka Supreme Court da phah ko leh ya ka NHAI wa ka Ministry of Road Transport and Highways (MoRTH) wow sylli yei chngaaiñ ki sarok ha waroh ki ar jylla.