Ynne ka sngi kawa man ka sngi khaddooh yong ka Dorbar Mang Tangka ka JHADC, neiliang ki MDC da yieñ yaklam ki heiyatoh wa kani ka phang.
U Richard Lyngdoh hawa klam da ong u wa ka Council dang em hei kyrmen neibhah ka Executive Committee da wanrah ko yaka Mang Tangka wa ye u pynduna yei lut ka Council wei da yooluti u wa ka Council u dap u biang ko deiwa e u yei kyrchaan yaka Mang Tangka.
U Arbor Hima Darnei da ong u wa yoosuk wei em kyrmen u wa daw ye u pynbait ya i eh i khor wa chem ka Council wei i pynlut yaka poisa ymtoh iwa pynsepai yaka neibhah wa da pynlut yeiwa emkaam donhi.
Da yooluti u leh wow ye u pynbait yei sap i tap waka sorkar jylla neibhah wa dang boon ka poisa wa toh u yoh kamjooh wow pait heiwon lait tooh (Leakage) ka poisa ka Council wei kammon wow pynbait yeini khnang wow ye u su yaka tulop ki wakreh.
Neiliang u Holando Lamin da ong u wa em chiboon i lait tooh ka poisa kamtæ emkaam wow tip heiwon wa kammon lait ko wei wow sdang u chimkhia yeini.
Discussion about this post