December 22, 2022
Ka seiñ FKJGP War Jaiñtia Circle da pynsñiaw ko yei sñiawkmen wa khroo ya u MLA ka thaaiñ u Lahkmen Rymbui uwa man leh kam u Montri ka sorkar jylla hadien wa ka sorkar da pynku kyrdan ko ya ka Jarain PHC cha ka Sub Divisional Hospital kawa nyngkong dooh ha Ri-loom Jaiñtia.
Ka seiñ da ong ko wa nadooh ka 19-09-12 hadooh u snem 2020 khlem sangeh da lai e dorkhat ki neibynta wow wanrah ya ka Sub Divisional Hospital hapoh ka thaaiñ Amlarem.
Kamtæ da ong wa da i wan u Lahkmen Rymbui wow booh mooyurim wow pynku kyrdan ya kani ka Jarain PHC cha ka Sub Divisional Hospital daw man ko i kyrkhu ya ki paidbah ka thaaiñ War-Jaiñtia kiwa duna hei yoh i kot.
Ka seiñ da e khublei ko leh ya ka sorkar jylla wa kamjooh ya u Lahkmen Rymbui yei kreh chitom ki yow pynmankaam ya ini iwa da thrang ki paidbah da slem.
