Sñiawkmen u Conrad ya ka Mang Tangka ka sorkar India wa da wanrah ynne ka sngi

U Montri Rangbah ka jylla, u Conrad Sangma da e khublei u ya ka Finance Minister ka ri India, ka Nirmala Sitharaman wa da wanrah ko ya ka mang tangka wa chynna jngai heiwa ka ‘Amrit Kaal’ da man ko leh katkam ka ‘The Meghalayan Decade’. Da ong u wa ka mang tangka wa kynthup ya ki khynroo, ki kynthai wa ki warep man ko katkam i angnood ka sorkar wow man ka jylla

U Conrad da ong u wa dap u dei kmen wa ha ka yalang wa da man ha u Kmaichonglad u snem wa dadep da paan wow pynku ya ka bhah ka jylla, heiwa ka Meghalaya u yoh myntoi chooh ko sa T. 100 klur iwa man palat yong u snem wa dadep. T. 1 lak klur u e ya ki jylla kam ka ram wa khlem sut wei ini daw yarap i ya ka jylla Meghalaya wow lai ko chaphrang.

Heiyatoh wa ka PM-DevINE (Prime Minister’s Development Initiative for North-East) ya kawa daw pynkrehkaam lyngba ka North-Eastern Council daw yarap wow yoh kreh ki khynroo wa ki kynthai deiwa pyndap poisa ha ki bynta wa emkaam da T. 1,500 klur. Da e khublei u leh ya ka sorkar India wa da kyruiñ bha ko cha ki jylla ka thaaiñ mihsngi.

Heiyatoh wa ki Scheme kam ka Mission Shakti, Mission Vatsalya, Saksham Anganwadi wa Poshan 2.0 wa sdang da ka sorkar pyrdi, u Conrad da yaroh u leh yei wow chna 2 lak tylli ki Saksham Anganwadi wow pait ya i bha i miat ki khynnah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa kani ka mang tangka da kyruiñ bha ko cha ki warep heiwa u e yarap ya ki katkam ka juk wa katni kam ki Kisan Drones wa kiwi kiwi.

Heijooh i por da sñiawkmen u wa ki khynroo daw yoh kreh ki lyngba i chah hikai wow yoh ki deiwa pynjanai ya i rukom sikai katkam ka juk wa katni.

U Conrad da yaroh u leh yei wanrah ya ki kaam kam ka ULIP, National Ropeways Development Program, wow pynkrai ya ki sarokbah wei da kmen u leh wa kani ka mang tangka daw yarap ko ya ki paidbah ka ri liang wanang.