Ka Balang Presbyterian Sohkymphor kawa em hapoh ka KJP Synod Mihngi daw pdiang ko ya ka Jingiaseng Samla KJP Assembly kawa daw man ha ka 10 hadooh ka 13 tarik u April, 2026 wei i pynkhreh da lai i chaphrang hanla ka Balang da yoh ko yei pyntip heipor wa tbian.
Neiliang ka Dorbar Chnong Sohkymphor kamjooh ka Balang Presbyterian Sohkymphor da pynsñiaw ki yei sñiawngooh ya u Prestone Tyngsong, Deputy Chief minister uwa pait leh ya ka chnat PWD (Roads) wei kawa kyrpang ya u Sniawbhalang Dhar, Deputy Chief Minister uwa da smat wow booddien yei pynkhreh ya ki kaam yow man ki kiwa lai bait wei kiwa biang nadong chadong.
Ha i yachem wa u Sniawbhalang Dhar ha yung sah yong oo ha Ummulong deiwa emlang kiwa yalam Balang chirup wa kiwa yalam chnong hapoh i yahkhmat u Rev. G.S. Lytan, Pastor In-Charge, da e ki dei thoh cha oo wei da chimkhia u wow pynsmat u chna ya u sarok hapoh chnong poh thaw.
Kamtæ neiliang ka dorbar chnong kamjooh ka Balang Presbyterian Sohkymphor da e khublei kyrpang ki ya kini ki waheh wa man kiwa yahkhmat sorkar wa smat ki wow e ya ki kaam pynroi neibynta i pynkhreh ya kani ka yaseiñ khynroo wei da kitbok kitrwiang ya ki yow yoh ki dei chait dei nang wei kamjooh u Blai kynrad u emlang u wa ki ha waroh ki liang.
Discussion about this post