15 49.0138 8.38624 1 0 4000 1 https://wyrta.com 300 0

Sñiawngooh ka Balang Presbyterian ya ka Sorkar Jylla wow chna ya u sarok cha Thomas Jones House of Prayer

0 Comments
Advertisement ad1

Shillong: Ka Executive Committee ka Presbyterian Church of India (PCI) ha ka yalang wa pynman ha Silchar Assam ha ka 17 wa 18 tarik uni u bnai da pynsñiaw ko yei sñiawngooh ko yei yarap poisa ka sorkar jylla kawa pyllait poisa T. 1.42 Klur wow chna ya u sarok wow poi cha ka Thomas Jones House of Prayer kawa em ha ka chnong Kutmadan, Hima Sohra.

U Thomas Jones da poi u ha Sohra ha ka 22-06-1841 wei man u uwa nyngkong dooh u Missionary ka Welsh Calvinistic Methodist Foreign Missionary Society uwa da kreh wow chna ya i dak thoh ktien Khasi, da sikai u leh ya ki bru ya kiwa boonjait ki kaam kam ha ka rep ka riang, ka chait ka khiah wa kiwi kiwi.

Ka mang poisa wow chna ya kani ka Thomas Jones House of Prayer toh T. 17 Klur wei u sdang u chna ya ka chisien wa sdang u chna ya uni u sarok.

Kamtæ ka PCI da pynsñiaw ko yei sñiawngooh ya ka tnat PWD (Roads), Government of Meghalaya wa smat ko u leh yeiwa emkaam.

Advertisement ad1

0 Comments

Leave a Reply