Kiwa yahkhmat ka chnong Mookhep da pynsñiaw ki yei sñiawngooh ya ka KSU Wapung Unit wa da e ko ya ki kti yarap cha ki 15 tylli ki manyung ka chnong.
Ha ka 9 tarik uni u bnai, ka KSU Wapung Unit da e yarap ko cha kiwa chong chnong ka Mookhep kiwa dooh wa duk kiwa da chah ktah ha ini i ban ka khlam COVID-19 khamtam kitu kiwa khih mylla sngi yow baam dei miet neibhah wym yoh de ki wot wow lai mylla ha kam kini ki por wa da pynrkhiñ ka sorkar wow yada na i wan ka læ-er wa ar ka khlam kawa da sooh ha kylleiñ ka pyrthai.
Kamtæ da ong wa ini i wan ka KSU da man kamwa e chakri ya kiwa kup chiliang sem chiliang iwa man leh i kaam wa bha hapoh ka bri u Ynñiawtrep Ynñiawskum wa i maya yaka ri wa jaitbru.
Hachwa u saam yaki marbaam da yoh i klam pdiang burom na u Francis Dkhar, Secretary chnong Mookhep wei da yoh leh yei klam na u President ka Wapung Unit u Deiniwan Lyngdoh, ki dkhot wa emlang kam u General Secretary u Shwari Ryngkhkem, Assistant Secretary u Phulme Dkhar, Vice President u Nidalut Siangshai, u Education Secretary u Hame Wanpynhun Ryngkhlem, u Environment Secretary ka Jaintia Hills Unit u Kwilnis Suchiang, u Assistant Finance Secretary u Shaniah Skhem Dkhar wa u Vice President ka KSU Khliehriat u S. Ryngkhkem.
Mait chaphrang khloor ka ri pynkut ka kyrwoh na u Francis Dkhar, Secretary ka chnong Mookhep.
