Ka Joint Action Committee na Jaiñtia Hills, kawa kynthup ya ka East Jaintia Hills Truck Owner & Transporter Association (EJHTOTA) wa ka Jaintia Hills Truck Owners Association (JHTOA) lyngba kani ka kyrwoh, da pynsñiaw ko yei sñiawngooh ya ki ar ngut ki Deputy Chief Minister yong ka Meghalaya, u Sniawbhalang Dhar uwa pait ya ka Transport Department kamjooh leh ya u Prestone Tynsong uwa pait ya ka Home Department hajrong i chimkhia yong ki pyn-ar-ngut hei wow pynbait wei u pynkut noh yei eh i khoo iwa da mih wei neh la ar tayaaw pura ha kini ki por wa dadep neidaw i khut ka MCTODA yei yakhih pyrchah ya ki Cement Plant wa em ha East Jaiñtia Hills deiwa ksoh ya ki Truck kit Cement wa Clinker kiwa wan na kitai ki karkhana yow pynbor ya ki wow pynku noh ya ka dor bai kit wei kamjooh leh neibynta kiwi kiwi ki mat dawa yong ki paidbah tre ri tre chnong kiwa kynthup ya ki tre Truck kiwa chalan mar wa kiwa yah Truck wei kini ki mat dawa toh kiwa ka JAC leh da jooh dawa ko neipor cheipor na kitai kini ki karkhana pynmih khyndaw-bilat wa na ka sorkar.
Ki Mat:
1. I slem wow pynlait ya kani ka kyrwoh: Ka kyrwoh na ka JAC da ong u wa hei yong sakhiat ka JAC da kwah bha ko waw pynlait ya kani ka khubor sñiawngooh ya ki ar ngut ki Dy. Chief Minister yong ka jylla nadooh katu hi ka miet ka 13 tarik marsien kut i yalang yong waroh ki liang wa emktilang (Stakeholder) wa da khut pynman da ka sorkar, heiwa da man ko leh ka yalang kawa jop deiwa tuklar hi kitai ki ar ngut ki Dy. Chief Minister, tangwa neidaw wa em ki kaam wa jhan wym ye de u kiar, neiliang kiwa yakhmmat yong ka JAC ym yoh de ki u pynlait khubor.
2. I sñiawngooh: Katwa kamtæ lyngba kani ka kyrwoh, ka JAC da pynsñiaw ko yei sñiawngooh wa khroo ya waroh ar ngut ki Dy. Chief Minister yong ka jylla Meghalaya neibynta i kitkhlieh wei i chimkhia yong ki wow khut ya ka yalang wa jhan yong waroh hi-eh ha ka 13 tarik uni u bnai, ha Conference Hall ka Main Secretariat, Shillong. Weiwa ha kani ka yalang dei chimkhia wei i tuklar yong ki da ye wow pynmankaam yei dawa wa hakhmat dooh yong ki tre ri wa im-ja nei kamai Truck hadooh wa da hap ki wow mynjur wow pynku noh ya ka dor bai kit Cement wa Clinker cha ka Rs.9 chi ton chi Kilometer. Katwa ya kiwi tawon ki mat dawa wa dang sahteiñ, kitai ki Cement Company da paan por ki chityaaw yow wanrah won ya ka rai yong ki ha kawi tawon ka yalang kawa daw pynman biang da ka sorkar ha ka 21 tarik uni hi u bnai.
3. I kyrpaad wei i pynkut: Katwa kamtæ heiyatoh wa kini ki mat dawa kiwa dang sahteiñ ki wym pu ye u yaklam pynbait ha katai ka yachemlang, neiliang yong ka JAC sa chisien kyrpaad biang ko ya ka sorkar jylla lyngba yong ki Dy. Chief Minister wow sñiawbha biang ki u yieñ wei u klam biang neibynta i hok wa i myntoi yong i warohlang hi-eh kam ki tre chnong ha katai ka yalang kawa daw pynman neini.
I pyntip na u Biangshwa Shylla, Chairman wa u Kyrshan Dkhar, Secretary ka JAC Jaintia Hills.
Discussion about this post