Sñiawngooh ka JSM wa da rai ka JHADC wow chna ya ka aiñ neibynta ki kur ki jait

Ka Jaiñtia Students Movement (JSM), Central Executive Committee da phah ko yei e khublei wa kyrpang ya ka Executive Committee yong ka JHADC ha i yahluti u CEM, u Thombor Shiwat, neidaw wa da pdiang u yei dawa wa da pynsñiaw lyngba ka Dorkhat Urgent Demand No.JSM/CEC/MEMO/JHADC-CB/2026/ dated 17/06/2026 wow chna noh da ka aiñ wow tip kam ka ‘Jaintia Hills Autonomous District (Registration & Protection of Clans) Act, 2026’ katkam ka Para 3(1)(b) yong ka Sixth Schedule.

Kani ka rai da pyntip lyngba ka chithi No.JHADC/POL/61/2025/17 dated 26/06/2026, wa da pynmih hadien wa ka JSM da e ko yei kyrchaan pura ya ka rai wa da chim da ka Dorbar Waheh Kur Ri Jaiñtia ha ka Annual General Meeting ha ka 13-06-2026 ha Chiliangraij.

Katkam ka Article 244(2) ryngkat wa ka Para 3(1)(b) yong ka Sixth Schedule, ka JHADC em ko i bor wow chna aiñ hajrong i rap-pateiñ namo “Inheritance” wa ka rukom im næ ka “Social Customs”. Ki kaam Registration Kur, i hiar pateiñ, ki bor ka Dorbar Kur wa i yada yei yoh pateiñ em ki hapoh ka JHADC wow pait u pynneh pynsah, da ong ka seiñ.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

U Heihokmi Supuh, Publicity Secretary da ong u wa ka JSM kyntu ko ya ka JHADC wow chna noh ya ka “Jaiñtia Hills Autonomous District (Registration & Protection of Clans) Act, 2026” wei chwa wow wanrah ya ka Draft Bill ha ka Dorbar wow wan, wow pynman ya ka yalang phyllu yumut wa ki Waheh Kur, ki Dorbar Tynnre hawa chna ya ka Bill.

Da yaroh u leh ya u Thombor Shiwat wa ka EC wa da pynsniaw ki yei skem mynsien wow yada ya ka riti neibhah kani ka aiñ man ko wow yada ya ki kur tre ri, ki kur tynre wa chim na ka bei, daw pynkhlan ko leh ya ka Dorbar Kur, u booh ko yei bor u Waheh Kur wei wow yada ya i yoh pateiñ.