Jowai: Ka Meghalaya SSA School Association (MSSASA) Central Body da pynsñiaw ko yei sñiawngooh ya u montri rangbah ka jylla, u Conrad K Sangma yei yarap u wow kylla tarik ya kiwa yaleh D.El.Ed Exams 2018 (Special D.El.Ed programme) yong ka 1st Semester 2017-2019 kawa pynman daka National Institute of Open Schooling.
Katkam wa pynbna ha ka 20 tarik uni u bnai da u C. Dharuman Director (Evaluation), NIOS da pynbna ya ka 31-05-18, 01-06-18 waka 02-06-18 kam ki tarik wa thymme. Ki tarik warim toh ka 27, 28 and 29 uni u bnai wei ka 29 tarik haap ko ha ka sngi bibar.
Ki tarik wa thymme 31 Naisan, 2018: Elementary Education in India, A Socio Cultural Perspective (501), 1 Naiynru 2018: Pedagogic Processes in Elementary Schools (502) wa ha 2 Naiynru, 2018: Learning Language at Elementary Level (503).
I por Exam man i nadooh 2:30 i sngi nadooh 5:30 i janmiet wei yow tip ya ki Examination Centre kiwa sikai yei ki u Download ya ki Admit Card/Hall Ticket naka NIOS website www.nios.ac.in.
U President ka MSSASA Central Body, Aristotle C Rymbai da ong u wa sñiawngooh u ya u montri rangbah wei da pyn-eh bok eh nasib u ya kiwa sikai waroh yow leh bha ki ha ka exam yong ki.
Also Read: Pyrchah ka MSSASA yei thmu ka NIOS wow pynman exam ha ka sngi kyntang ki Kristan
Discussion about this post