15 49.0138 8.38624 1 0 4000 1 https://wyrta.com 300 0
Advertisement ad1

Chah pakhot pylleiñ syiar ka Seiñ Tyllilang Niamtre heipor wa pynkhreh Chaad Sukra

0 Comments

Jowai: Ka Seiñ Tyllilang Niamtre Ladthadlaboh Jowai waroh kawi dap ko dei mynsien wa sñiawkhia hei yatoh wa chah pakhot pylleiñ syiar ka yungkrehkaam ko wada jia ha ka 25 tarik uni u bnai heipor 6:37 i janmiet wei ha ini i por ki khynroo khyllood dang pynbiang ki ya ka Chaad Sukra ki.

Kini ki pylleiñ syiar da poi ki chapoh ka thaw wa pynkreh chaad wei kini ki pylleiñ syiar da haap ki ha tnoom kamjooh hapoh yung wei da toh ki leh ha kiwa yaleh wow pynkreh chaad na khlieh, cha thnga, cha sula cha that nadooh wa pynkhreh ki ya ka Chaad Sukra ha Jwai.

Tangwa ha kani ka kynti da suba wa iwa jia da man i iwa jia wa rap pher neibhah ki khon ka Niamtre hi da chah pakhot pylleiñ ki toh kawa jooh wa pynem kaam wow pyndep ya ka niam ka rukom ha waroh ki liang kat kam wa pynjooh u warim wajah tangwa ini i sien ym toh de kawa nyngkong wa jia wei heipor wa pynkhreh ya ka Chaad Sukra ha Jowai da cha pakhot ki da ki moo.

Katwa kamtæ ka seiñ Tyllilang Niamtre Ladthadlaboh Jwai da kawi ka yumut khnang yow man ka imlang sahlang kawa miat kawa bha, kawa khooid kawa suba, kyrpaad khian ko ya kiwon kiwon ki lok ki jor ki wa leh yeini i kaam sang wow wan panmaap ki ha yungkrehkaam ka seiñ yeiwa leh ki.

Advertisement ad1

0 Comments

Leave a Reply