Ka Executive Committe ka chnong Ummulong hapoh i yahkhmat u waheh chnong u Leo Laloo da chna ko ya ka Relief Committee neibynta wow pait ya i eh i khoo kiwa chong chnong. Ya kani ka Committee da man Chairman da u Manbha Shylla uwa man leh u Chairman ka chnong, u A.R. Bathew Pala kam u Secretary, uwa man leh u Asst. waheh chnong, da jied leh ya ki waheh (chynrang wa kynthai) yong ka chnong wow man kam ki dkhot ka Committee.
Ka Dorbar Chnong Ummulong wa ka Relief Committee yong ka chnong dap ko dei sñiawngooh ya kiwa yarap ya ka chnong khamtam ha kini ki por wa chem chitom kiwa chong chnong neidaw i khang chnong heiyatoh wow yada na i poor yong ka khlam COVID 19.
Ka Dorbar Chnong wa ka Relief Committee ka chnong da saam ko ya u khoo ha ka 21, 23 wa ka 24 tarik uni u bnai cha ki 700 tylli ki manyung.
Ya kani ka saam khoo da leh deiwa sai naka poisa chnong kamjooh leh deiwa yoh yei yarap na ki Balang, ki Niam, ki Dong wa em hapoh u pood u ang ka chnong, kamjooh na ki bru samen kiwa man leh kiwa chong chnong yong ka Ummulong. Da yoh leh yei yarap naka Jaintia Hills Development Society (JHDS) 1000 kg u khoo hapoh i yahkhmat u Fr. Manbha Pakem u Director ka JHDS. Da yoh leh yei yarap na u MDC ka Ummulong-Moodymmai, u Jesse Suiam 500 kg u khoo.
Chooh chooh ka chnong da pynsñiaw ko yei sñiawngooh ya ka Police Department lyngba ka Ummulong Police Beat House, ki Bank, ki Doctor wa ki wakreh ka CHC Ummulong, ki Pharmacy wa em haka chnong khamtam ya ki paidbah chong chnong wa da e ki ya i krehlang chirup wa ki bor sorkar kamjooh waka chnong.
Ka wyrta lyngba u Secretary ka chnong, u Easterius Shylla.
Discussion about this post