theme-sticky-logo-alt
theme-logo-alt
Advertisement ad1
Advertisement ad1

Sñiawngooh ki manbei ka Sohmynting ya u Wailadmiki Shylla

Advertisement ad1

Ki manbei yong ka chnong Sohmynting da sñiawngooh wei e khublei ki ya u MLA ka thaaiñ u Wailadmiki Shylla hajrong i sbun mynsien yong oo u yarap pynyoh da ki kymmor cha ki 500 ngut ki paaid wa chong chnong ka Sohmynting.

Ya kini ki kymmor da saam ynne ka sngi cha waroh ki manyung wa toh hok u yoh haka yalang tbian wa pynlai da ka P. Pyrtuh, chirup i sakhi lang ki waheh wasian wa kynthup ya u O. Kya, u D. Pyrtuh, u L. Kyndait, u W. Suting, u W. Langi wa kiwi.

Advertisement ad1

Waroh ki waheh wa e yei klam ha kani ka yalang tbian leh da e khublei ki ya u MLA wei pyn-ehbok pyn-ehnasib ki ya oo yow nang ye chooh chooh u wow lehbha næ u e ya ki kti yarap cha kiwa emkaam yarap haki sngi ki por wa daw wan.

Najrong wa kdaw haroh ki ya kiwi tawon ki kaam wa bha wada leh u MLA hapoh ka chnong ka thaw, kamjooh ya ki manyung wa emkaam u yoh yarap, kyntu haroh ki ya ki paidbah wa toh u em ki ka mynsien sñiawngooh kylliang ya kiwa lehbha ya ki. 

Share this:
Previous

13 ngut kiwa yoh wa 4 ngut kiwa chait ha Meghalaya

Next

Dei lai paidbah wa i booh syntu kynmoo warom ka EJNC ya u Kiang Nangbah ha Khliehriat