theme-sticky-logo-alt
theme-logo-alt
Advertisement ad1

Sñiawsih u President ka NPF wa booh tarik da ka Sngi-U-Blai wow thap Vote ha Manipur

U President ka Naga People’s Front (NPF) ha Manipur u Awangbou Newmai hawa pdiang yei pynbna pynman Election da ka Election Commission of India (ECI), tangwa ym em won sñiawsuk u ya ka sngi wa da jied wow thap Vote ha Manipur kawa man ka Sngi-U-Blai.

Ha Manipur ka sngi thap Vote toh ha ka 27-02-22 kawa haap ha ka Sngi-U-Blai katwa ka sngi niaw Vote toh ha ka 10-03-22.

U Newmai da ong u wa ka Sngi-U-Blai toh kawa kyntang ya ki Christan wei da man ko leh ka sngi wow chong sngi wei wow mane Blai.

Da ong u leh wa hapoh ka Manipur em boon ki bru wa bood ya kiwa boon ki jait niam kiwa da ya imlang wei hapoh ka ri India leh ym em leh chilliang ya kawon kawon ka niam wei ym em yurim wow tyngkheiñ yei man salonsar hawa pait ya kawon kawon ka niam.

Kamtæ da ong u wa ka ECI toh u pait ko leh yei hok ki Christan wei wow kyrriah tarik noh ya ka sngi wa da booh wow yaleh Election.

Da ong u leh wa ka NPF ka kyrchaan wei burom ko ya waroh ki jait niam hapoh ka jylla wa ha ka ri hi waroh kawi.

Share this:
Previous

Da kynjoh 1000 ngut kiwa dang chah ktah ha Meghalaya, neh kiwa dang yoh palat 100 ngut

Next

Dawa ka KSU Narpuh na u Hamlet wow booh C&RD Block ha Lumshnong