Kawa yalehbol na Manipur da man ko kawa nyngkong dooh ka kynthai na India wow chah jied deiwa ya soi Contract wow yalehbol ha ka Australian League.
Kani ka kynthai toh kawa tip kam ka Panthoi Chanu wei man ko leh kam ka Goalkeeper ka National Team ka India.
Ka Chanu kattu u yalehke ko waka Metro United WFC kawa na South Australia yow yalehke ha ka Women’s National Premier League 2024. Da jied ya ka hadien wa da lehbha ko ya ka India pyrchah ya ka Kosovo wa Hong Kong ha ki yalehke ka Turkey.
Ka Panthoi da chimbynta ko leh ha ka ‘Women in Sports Elite Football Trials, Second Edition,’ heiwa da em 27 ngut kiwa chimbynta kawa da pynman deiwa ya krehlang ka Women in Sports, ka AMPL Foundation waka Football Players’ Association of India, heiwa ha kani ka Trial ki kynthai da yoh laad ki wow pynyoo yei sap yong ki hakhmat ka pyrthai.
Ka Panthoi Chanu hawa e yei klam da pynsñiaw ko yei kmen wow ya soi Contract wei wow sap ya ki sapkti ka Metro United WFC wei da e khublei ko leh yaka Club kamjooh ya u Head Coach, u Paul Morris kiwa pynyoo yei chaniah ya ka wei u kreh chitom ko yow chim kabu ya kani ka laad wa da yoh ko.
Discussion about this post