U President ka Iran, u Masoud Pezeshkian ynne da khana u ya ki 14 tylli ki mat wa kynthup ha ka soskular Memorandum of Understanding (MoU) wa soi wa u President ka USA, u Donald Trump, deiwa ong wa ini daw wanrah i yei chongsuk wei burom mar kylliang.
Da ong u wa ka Islamic Republic of Iran u yaleh ko wow wanrah yei chongsuk ha pyrthai.
Kani ka soskular wa soi toh wow pynduna yei kynaad hapyrdi ki ar ri wa kynthup nadooh ki kaam chipai, i kaam wa yatoh wa u Nuclear Bomb wa kiwi de.
Ka soskular klam ko wow pynsangeh yei yakhun thma ha waroh ki liang wa kynthup ya ka Lebanon heiwa da rai wow sangeh ya ki kaam chipai wei wyn luchia ya ki kaam synchaar.
Kawi na ki kyndon da e por leh 60 sngi yow ya pynbait khaddooh namo ka Final Deal wei kawa ye u pynyinsur hadien kamjooh i yakreh hapyrdi ki ar ri.
Ka United States da rai ko leh wow sangeh yei khang sbak namo ka Naval Blockade wei ka Iran da kular ko wow chngaaiñ i lai i wan ki jhaad na Persian Gulf wa ka Strait of Hormuz.
Heiyatoh wa ki kaam Nuclear ka Iran da pdiang ko wym kdong ko wow em Nuclear Bomb heiwa ki ar ri da rai ki wow pteiñ yei yaklam hajrong kani ka phang.
Da rai leh wow pteiñ i yaklam kamjooh wow bood ya ki kyndon wa ki rai wa mih na ka United Nations Security Council.
Discussion about this post