Ka jylla Meghalaya ynne da soi soskular MoU ko waka jylla Tamil Nadu yow e kylliang yei stat kamjooh wow yoh yarap heiyatoh wa i chait i khiah kamjooh wow e sikai ya kiwa kreh hei chait i khiah.
Neiliang u Montri ka chnat i chait i khiah, u James PK Sangma da dep yachem u wa u Montri i chait i khiah ka jylla Tamil Nadu, u Ma Subramanian yow pynbait chwa wow soi ya kani ka soskular.
Kani da man ko leh kawa nyngkong dooh kam kani ka jait hapyrdi kini ki ar jylla iwa daw yarap wow pynkhlan yei kaam wa yatoh wa i chait i khiah.
Ka jylla Tamil Nadu kam kawi na ki jylla wa biang ha ki kaam sumaar sukhær daw yah luti ko kammon wow pynbha pynmiat ya ini i kaam kamwa man ha Tamil Nadu heiwa ka sorkar jylla da ong ko wa ka thong toh wow e chakri wa bha tam hei dor wa duna neibynta waroh.
