theme-sticky-logo-alt
theme-logo-alt
Advertisement ad1
Advertisement ad1

T. 25 klur pam uwa kamai Auto na ka khle nasib ha Kerala 

Advertisement ad1

Uwi u bru uwa kamai Auto Rikshaw ya uwa tip kam u K Anoop na ka jylla Kerala da jop u hadooh T. 25 klur na ka khle nasib Onam Bumper Lottery ynnin ka sngi deiwa thied ya ka Ticket kawa chongdor  T. 500 wei kani ka poisa toh kawa sai u na ka synduk poisa (Piggy Bank) wa pynlang u khon yong oo.

Ya kani ka Ticket da klah da u Finance Minister ka Kerala, u K N Balagopal ha Gorky Bhavan ha nongbah Thiruvananthapuram ka Kerala.

Advertisement ad1
Advertisement ad1

U K Anoop, toh uwa sah ha Sreevaraham, Thiruvananthapuram wei da thied u ya kani ka Ticket ha i miet ka 17 tarik uni u bnai chi sngi chwa u pynkhle.

Katkam ka Lottery Department ka jylla, u Anoop daw yoh u ya ka T. 15.25 klur ha kti hadien wa khate ya ka dan wa ki Commission.

Ka Second Prize yong kani ka khle nasib man ko T. 5 klur wei daw em leh chiphaw tylli ki Consolation wa T. 1 klur kawi.

Ka chnat Lottery da ong ko wa ka poisa wa da yoh na ki Ticket ka khle nasib man ko T. 332.74 klur, heiwa kawi ka Ticket chondor ko T. 500.

U Anoop toh uwa da thmu wow lai kreh cha Malaysia kam uwa chet namo u Chef heiwa dang dep wot u wow yoh ram T. 3 lak na ka Bank yow ye u leh ya ini chi sngi chwa.

Share this:
Previous

Soi soskular ka Meghalaya waka Tamil Nadu yow pynbha pynmiat yei chait i khiah

Next

Pynku ka Jaiñtia Fishing cha T. 50,000 ka kuna ya kiwa khwe hapoh ka Fish Sanctuary