Ka Reckitt, kawa chna ya kiwa boon ki dawai heiyatoh wa i chait i khiah wa i khooid i jngiar wow pynemkaam man-ka-sngi, da sdang ko ya ka ‘The Birds and Bees Talk’ ha Meghalaya neibynta kiwa dang khynnah wa kiwa dang khai khynroo.
Heiyatoh wa ini da soi ya ka soskular Memorandum of Understanding da u A. Ch. Marak (IAS) Secretary ka Meghalaya Education Department wa State Project Director, SEMAM, ka Jenny Synrem State Planning/Community Mobilization/ Gender Coordinator SEMAM-SSA wa u Ravi Bhatnagar, Director, External Affairs & Partnerships SOA, Reckitt.
Ya ini da yahkhmat da ka Durex, wei da kyrchaan da ka Reckitt deiwa ya krehlang waka sorkar jylla yow pynkrehkaam ya ka Plan India.
Kani ka ‘The Birds and Bees Talk’ toh kawa da pynkhreh kyrpang yow sikai ya ki khynroo khyllood yeiwa emkaam ki wow tip heipor wa heh wa san ki yow sñiawthooh ki yei chongkha, yei hok yong ki, yow lait u chah chim kabu, kammon wow yoh yada yow heh u san ki kam kiwa em yei kitkhlieh.
Ya kani ka e yarap da yabhah neibynta kiwa em 10-14 snem wa kiwa em 15-19 snem.
U Mohammed Asif, Executive Director, Plan India da ong u, “Ka Plan India toh kawa da pynkrehkam palat 20 snem yow yoh yei chait i khiah ha ka chongkha chongman, i hok ki khynnah, ki kynthai khyllood wa kiwa dang khai khynroo khyllood yow yoh ya ka mynstep ka mankawi kawa miat wa bha kamtæ ka “The Birds and The Bees Talk” ha Meghalaya da yooluti wa daw yarap ko wow pynsñiawthooh wei wow em yei kitkhlieh ha i chongkha wa kamjooh yei chait i khiah.”
Chaphang ka Reckitt:
Ka Reckitt toh kawa man chibynta ki Company ka Reckitt Benckiser wei da krehkaam ko ha ki 60 tylli ki ri deiwa pynmih nadooh ki baam khonboo wa ki dawai yow man ki bru kiwa khooid wa jngiar wei da pynmih leh ya i Dettol, Harpic, Lizol, Veet, Durex, Strepsils, Mortein, Vanish, Air Wick, Enfamil, Nutramigen, Nurofen, Strepsils, Gaviscon, Mucinex, Scholl, Clearasil, Finish, Calgon wa Woolite.
