theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Soo ngut kiwa yalehke Karate ka Meghalaya u lai chimbynta ki ha ka Thailand Open

Ka All Meghalaya Karate-Do Association (AMKA) da pynbna ko wa soo ngut na kiwa yalehke Karate yong ka daw lai chibynta ki ha ka Thailand Open Karate-Do Championship kawa da pynman ha Phuket, Thailand nadooh ka 19 tarik uni u bnai.

Kini ki soo ngut toh u Ferdinand S Rani, u Gregorwilson Makdoh, ka Saralin Rynghang wa u Damanbha Pde kiwa da dep yoh takma ha ki lympung yakhun wa da dep pynman hapoh ka jylla wa hapoh ka ri.

Advertisement ad1

Daw mih ki na New Delhi ha ka 18 tarik uni u bnai deilang wa kiwi kiwa yalehke ka India yow lai cha Thailand ha ka 19 tarik.

Ki yalehke ‘Kumite’ wa ‘Kata’ daw sdang ki nadooh ka 20 tarik uni u bnai heiwa ya kani ka lympung daw pynkut ha ka 23 tarik.

Ha u bnai wa dep, u Damanbha Pde da dep yoh u ya ka takma rupa katwa ka Saralin Rynghang da yoh ko ya ka takma tama ha ka All India Karate Championship wa da pynman ha ka Chhattisgarh. Chwa ka khlam COVID-19, u Gregorwilson Makdoh da yoh u ya ka takma ksiar katwa u Ferdinand S Rani da yoh u ya ka takma tama ha ka Kanninjuku National Shoto Cup Karate Championship ha Maharashtra.

Ka AMKA da em ko ya kiwa boon kiwa yalehke yong ka kiwa da lai chimbynta cha baar ri heiwa ha u Khonchonglad (Nov) 2019, ka Wandahunshisha Mawblei da yoh takma ksiar ko ya ka India ha ka 5th South Asian Karate Championship ha Bangladesh. Rap nachwa, u Damang Syngkon da yoh takma ksiar u ha ka South Asian Games ha u snem 1999. U Damang, ka Linza F Syiem waka Wandashisa Warjri da yoh takma ki leh ya ka Meghalaya ha ka 34th National Games ha u 2011.

Advertisement ad1
Share this:
Previous

U lai kynreh dukan biang ha Jowai kam chibynta i khang Plastic

Next

Lehkmen ka Mynsngat yei dap 75 snem i yoh laitlooid ka ri