Chad Niam Behdieñkhlam wada yoh kynsai,
Soo sngi le yaw da ki hukum Blai.
Burom ka niam, kune to ksoh,
Trekirot hi sæ wow theh i kyrkhu kyrdoh.
Sarin ka niam wa pynchong pynthiah,
Nayung halait dei wa khooid wapliah.
Phooh phieñ ka niam rukom hakhmat ka pyrthai,
Burom wow yoh na bru ha Blai.
I por i samooid yong ki wakhut wakbai,
Chongchit ka chnong ka raij wa ood wa thai.
Khynnah, waheh yachaadkmen dei sñiaw yaman iwi,
Kynjai kynjai hei sur wa bang ka bom ka bhuri.
Soo sngi le yaw kynmoo bha yeini,
Hukum Blai da e nachwa nalap ki sngi.
Dei tip bru tip Blai pyndep hok ya ki,
Kyrkhu kyrdooh wa sarot u yoh lynter ki sngi.
Maya yei yong-i, burom yei yong kiwi,
Luti i suk wow yoh ha pyrthai sngi.
Chad niam Behdieñkhlam da ki hukum Blai,
Pynkhroo yei man kyrpang ko hakhmat ka pyrthai.
Discussion about this post