theme-sticky-logo-alt
theme-logo-alt
Advertisement ad1

Soo tylli ki District ha Meghalaya ki wym em de kiwa dang chah ktah ha u COVID-19

Advertisement ad1

Kiwa yoh COVID-19 ha Meghalaya da em biang ki hapoh 10 ngut la 6 sngi wei da neh ki hapoh 50 ngut la 33 sngi, hapoh 100 ngut la 39 sngi wei da em biang wa yap hadien le sngi. Kiwa dang yoh da boon biang ki ya kiwa dang chait hadien le sngi.

Kiwa dang yoh ynne ka 23 tarik da em ki 8 ngut, kiwa chait 7 ngut wa 1 wa yap ha Ri-Bhoi tangwa ini da pynman ko leh ya 4 tylli ki District ki wym em de kiwa dang chah ktah.

Kiwa dang yoh toh ha West Jaiñtia Hills (03), East Khasi Hills (02), South West Garo Hills (02) wa ha East Jaiñtia Hills (01).

Kiwa dang chait toh ha South Garo Hills (02) wa mar uwi ha East Jaiñtia, East Khasi, South West Khasi, West Garo wa ha West Jaiñtia Hills.

I rukom em kiwa dang chah ktah ha ki District man i kamni:

East Khasi Hills (20), West Jaiñtia Hills (08), West Khasi Hills (05), West Garo Hills (04), Ri-Bhoi (04), East Jaiñtia Hills (04), South West Garo Hills (04), North Garo Hills (01), South Garo Hills (00), South West Khasi Hills (00), East Garo Hills (00) wa ha Eastern West Khasi Hills (00).

Waroh kiwa da chait da em ki 98.24% kiwa em 92,096 ngut, kiwa dang chah ktah 0.05% kiwa em 50 ngut, kiwa yap 1.69% kiwa em 1592 ngut, deilang dapoi 93,738 ngut kiwa da dep yoh ya uni u khñiang hapoh ka jylla.

Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:

Advertisement ad1
Share this:
Previous

Da wai ya ka yaw pynyoo rong ya ki mar wa pynmih hapoh Meghalaya

Next

Ym kwah ka KSU Jowai Unit wow man kaam Politics i jhep ha Jowai