Da u: Shimphang Lyngdoh, Lumputhoi
Sor Jowai wa em naam hapoh Jaiñtia,
Nadooh ki por warim nachwa;
Kam ka Headquarter yong ki bru Pnar,
Ha ka em i yung kyntang chna aiñ synchaar khadar.
Kdup-piam pho ya i ki bru pyrthai,
Nadooh kiwa thied wa pet wa kiwa dai;
Ha tyngkong yong pha wa kamai jakpoh,
Chah ngatbeiñ kylla pho da ki jaboh.
Yei stat yei tip nongkong pha wa e,
Cha ki khon ki nat yong pha yoh u roi symbe;
Ki chrot ki paya soodong yong pha katni da em,
Hoi hi mo kamni du hei chah pynrem?
Syndet syndet sor Jowai wa maya,
Ka bei sorkar da pyndooh burom ya pha;
Hap tip ya ki daw wa man kamni,
Da wiar wei pyrtuid yong ka JMB.
Ki synjuk waheh chnong waki seiñ kynthai,
Hajrong kani ka mat da ya mih pyrthai;
Mirchi RJ Nicky-J na Shillong da wan poi,
Da leh Clean Campaign u yeini jakhlia wa roi.
Yei yi u beiñ yei yi u kynnoh?
Wada chah khang chei thaw wa jooh noh,
Kiwa toh u pait to sñiawbha chimkhia;
Ham ieh syngngaid de hei tung hei sma.
