Ka Meghalaya da jop ko da 11-0 ya ka Andhra Pradesh deiwa thap u Marbiang Marwein soo sien ha ka Sub-Junior Boys National Football Championship 2025-26 (Tier 2) ha Narainpur, Chhattisgarh ynne i step.
Ka Meghalaya dadep ko wow jop da 6-1 pyrchah ya ka Chhattisgarh ha ka sngi Bibar wei kattu da yoh ko 6 Point yow yoh nyngkong ha ka Group C wei du kiwa yoh nyngkong ki wow yoh u psiah Semi Final.
U Marbiang wa da yoh yei u naam Player of the Match, wei da thap kool u ha ka minit wa 2, 24, 44 wa 45. Da thap u leh ar kool pyrchah ya ka Chhattisgarh.
Kiwa de kiwa thap kool ya ka Meghalaya ynne toh u Iaishanborlang Khongjee (9′), u Damebandon Mawkhroh (16′), u Wanpyndapbor Nongsiej (35′), u Shiborlang Dkhar (59′, 66′), u Davidson L Marshilong (81′) wa u Ferdinand Kharkrang (85′).
Ka Meghalaya kattu u yachem ko wa ka Himachal Pradesh ha ka 30 tarik heipor 8:30 i step.
Discussion about this post