Sub-Junior Boys NFC Tier 2: Psiah Semi ka Meghalaya

Ka Meghalaya da yoh ko wow psiah Semi Final ha ka Sub-Junior Boys National Football Championship 2025-26 (Tier 2) deiwa jop ya ka Himachal Pradesh da 4-0 ha ka yalehke wa khaddooh ki ha ka Group C wa da pynman ha Narainpur, Chhattisgarh ynne i step. 

U Marbiang Marwein (8′, 39′, 45’+2) da yoh u ya ka Hat-Trick kiwa da thap u ha ka kylla step wei wa kini ki kool da thap u kattu la 9 tylli wei da yoh u leh ya Player of the Match le sien na ki le tylli ki yalehke.

Ya ka Meghalaya da thap leh da u Wanpyndapbor Nongsiej (62′). 

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026

Ka Meghalaya kattu dadep ko wow pynrem ya ka Chhattisgarh wa Andhra Pradesh hei yahkhmat u Dapmon Tariang kam u Coach iwa mut da yoh ko 9 Point yow psiah Semi na ka Group C. 

Kattu ka Meghalaya daw yachem ko wa ka Telangana ha ka Semi Final wa nyngkong kawa daw pynman ha ka 1 tarik u November heipor 8:30 i step. Ka Telangana na ka Group A da jop ko ya waroh ki yalehke ko yow psiah Semi.