Ka Meghalaya da yoh ko wow psiah Semi Final ha ka Sub-Junior Boys National Football Championship 2025-26 (Tier 2) deiwa jop ya ka Himachal Pradesh da 4-0 ha ka yalehke wa khaddooh ki ha ka Group C wa da pynman ha Narainpur, Chhattisgarh ynne i step.
U Marbiang Marwein (8′, 39′, 45’+2) da yoh u ya ka Hat-Trick kiwa da thap u ha ka kylla step wei wa kini ki kool da thap u kattu la 9 tylli wei da yoh u leh ya Player of the Match le sien na ki le tylli ki yalehke.
Ya ka Meghalaya da thap leh da u Wanpyndapbor Nongsiej (62′).
Ka Meghalaya kattu dadep ko wow pynrem ya ka Chhattisgarh wa Andhra Pradesh hei yahkhmat u Dapmon Tariang kam u Coach iwa mut da yoh ko 9 Point yow psiah Semi na ka Group C.
Kattu ka Meghalaya daw yachem ko wa ka Telangana ha ka Semi Final wa nyngkong kawa daw pynman ha ka 1 tarik u November heipor 8:30 i step. Ka Telangana na ka Group A da jop ko ya waroh ki yalehke ko yow psiah Semi.
Discussion about this post