February 6, 2016

Suba chah thang i yung ka Agnes Dkhar nei leh u Michael Dkhar

Advertisement ad1

Jowai : Katkam ka yutip wa da yoh da ong ong wa i yung ka kong Agnes Dkhar da kem diñ i syndet syndet ynnin ka 5 tarik i miet heipor kamwa 10:15.

Ka kong Agnes man ko ka bei ka yong u Michael Dkhar uwa da phla wa da ksohbor wei tynyap u ya ar ngut ki khynnah kynthai kawi kawa 11 snem kawi won kawa 3 snem tam.

Kani ka yung em ko ha Lad Sutnga wei man ko chiteiñ i yung tin chiteiñ won dei khyndawbilat. Heipor wa kem diñ ini i yung da wan ki pulit kiwa da phah ya ka kari tympleh diñ.

Ka kari tympleh diñ katwa da joor ware i kyr-ooh i diñ ym ye de ki u tympleh ya ini i diñ iwa da baamlut ya i bynta ini i yung. Toh leh ha ini i yung wa jooh sah ka Risa Talang wa 11 snem kawa da ksohbor wei kawa da chah tynyap ha u Michael Dkhar u khon ka kong Agnes Dkhar.

Ki pulit da suba ki wa ini i yung da chah thang i hadien wa phla u Michael yei kaam wa da leh u weiwa ki pulit dang takit ki yeini waroh wei ym pu tip yi wa thang yeini i yung.