Suba kiwa ha-yung wa chah rahbor ka Sonam | Da dawa wow takit ka CBI yei yap u Raja

Ynnin ka sngi ki pulit da chem ki ya i metyap u Raja Raghuvanshi na i synrang hajan ka Wei Sawdong Parking Lot, Sohra wei neiliang ki pulit hadien wa leh yeiwa emkaam da kit ki ya i metyap cha NEIGRIHMS wow leh ya ka Post-Mortem.

Heiyatoh wa ini i yap u Raja, neiliang ki pulit ka East Khasi Hills da thung ki da ka Special Investigation Team wow takit yei daw wa yap næ chah tynyap u Raja.

ADVERTISEMENT

Ynne ka sngi u payu u Raja, u Bipen Raghuvansi hawa yaklam wa kiwa pathai khubor ha Shillong da ong u wa hadien wym yoh u yaklam Phone wa ki ha ka 23 tarik wa ka 24 tarik da pynman ya ki wow suba iyi ræ iyi wei ha ka 25 tarik da wan ki cha Shillong wei da pyntip ki cha ki pulit ha Sohra wa da wiar kini ki ar ngut.

U Bipen da pyntip u wa kiwa ha-yung yong ki da kwah ki wow takit ka CBI yei yap u Raja wei da kyrpaad ki ya ka sorkar jylla kamjooh ya ka sorkar na Delhi wow phah takit da ka CBI yeini iwa jia weiwa ym em u artatien ki yei takit ka SIT ya ini i kaam.

Da ong u wa da suba wa chah lute kini ki chijur neibhah ym chem de ya ka snieh-poisa, sahkti, kynjri kpieñ, khadu wa ka Mobile yong u Raja.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Heijooh i por da suba wa ya ka Sonam da rahbor ya ka wei da kyrmen leh wow poi yung ko deiwa suk.

Da pyntip u leh wa ympu em u khana ya ka bei wow pa yeiwa jia ya u Raja tangwa kiwa ha-yung ha Indore waroh da tip ki yeini.