Kiwa ha-yung yong u bru wa kreh ha NEHU ya uwa tip kam u Bipul Inghi uwa na Khulia, Ri-Bhoi District da ujor FIR ki ha Mawlai Police Station wow takit yei yap syndet u.
Kiwa ha-yung da ong ki wa u Bipul Inghi toh uwa kreh ha North Eastern Hill University (NEHU) wei da pat u ha ka 6 tarik wei da kit ya oo cha Supercare Hospital, Shillong tangwa da yap noh u ha ka 8 tarik.
U Tisha Inghi, chirup wa u Rangbah Shnong ka Khulia, u Komin Ingti da ong ki wa nyngkong da mut ki wa yap kjut u wei chwa wow pyndep ya ka niam da chem ki ya ki dak takha ha doh u.
Kamtæ da ujor noh ki ya ka FIR ha Mawlai Police Station wow chem yei daw wa yap u wei da kit noh ya i metyap u cha Nongpoh Civil Hospital ynne ka sngi wow leh ya ka Post-Mortem.
Discussion about this post